• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جواد سعید کا کورٹ مارشل امریکا میں مقیم بھائی کو حسّاس معلومات کی فراہمی پر ہوا تھا: پاکستانی فضائیہ

آج کا اخبار
اہم خبریں
29 نومبر ، 2025
لندن(جنگ نیوز)کورٹ مارشل کے بعد قید کی سزا پانیوالے پاکستانی فضائیہ (پی اے ایف) کے سابق ایئر مارشل جواد سعید پر عائد الزامات کی تفصیلات کے حصول کے لیے اُن کی اہلیہ کی عدالتی جنگ گذشتہ کئی ماہ سے جاری ہے۔ اسی دوران پاکستانی فضائیہ کی جانب سے بی بی سی کو بتایا گیا ہے کہ جواد سعید کے خلاف فیلڈ جنرل کورٹ مارشل کی کارروائی پی اے ایف کی حسّاس معلومات اپنے بھائی کو فراہم کرنے پر ہوئی۔پاکستانی فضائیہ کے ایک ترجمان نے بی بی سی کے ساتھ خصوصی گفتگو کے دوران ایک سوال کے جواب میں کہا ہے کہ ’سابق ایئر مارشل یہ حسّاس معلومات امریکہ میں اپنے بھائی کے ساتھ شیئر کرتے تھے۔‘ترجمان کا یہ بھی کہنا تھا کہ ’سابق ایئر مارشل اپنے بھائی کو یہاں تک حسّاس معلومات فراہم کرتے تھے کہ میانوالی ایئربیس پر کون، کون سے جنگی جہاز کھڑے ہیں ترجمان نے بی بی سی کو بتایا کہ اس الزام کا جواد سعید کے خلاف کورٹ مارشل کی کارروائی سے کوئی تعلق نہیں ہے۔
اہم خبریں سے مزید