فرمان الہی
نماز کے اوقات
پشاور (سٹاف رپورٹر)عوامی نیشنل پارٹی نے مجوزہ 28ویں آئینی ترمیم میں خیبر پختونخوا کی تاریخی شناخت کو بحال کرکے صوبہ کے نام کو ’’پختونخوا‘‘ رکھنے کا مطالبہ کرتے ہوئے کہا ہے کہ اس اقدام سے اس خطے کی تاریخی، لسانی اور تہذیبی شناخت کو آئینی حیثیت ملے، اٹھارہویں آئینی ترمیم، این ایف سی ایوارڈ، صوبائی خودمختاری اور حقوق سے متعلق تمام آئینی تحفظات بغیر کسی تبدیلی کے برقرار رکھے جائیں۔28 ویں آئینی ترمیم پر جاری قومی بحث کے تناظر میں عوامی نیشنل پارٹی کا مؤقف جاری کرتے ہوئے مرکزی ترجمان انجینئر احسان اللہ خان نے کہا ہے کہ عوامی نیشنل پارٹی 28 ویں آئینی ترمیم کی حمایت صرف اس صورت میں کرے گی جب حکومت ستائیسویں آئینی ترمیم کے دوران کیے گئے وعدوں کی مکمل پاسداری کو یقینی بنائے۔ اے این پی صوبائی حقوق پر کوئی سمجھوتہ قبول نہیں کرے گی۔اٹھارہویں آئینی ترمیم، این ایف سی ایوارڈ، صوبائی خودمختاری اور صوبائی حقوق سے متعلق تمام آئینی تحفظات بغیر کسی تبدیلی یا کمی کے برقرار رکھے جائیں۔
