• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی پی 168 میں تعلیمی سہولیات کی بہتری حکومت کی اولین ترجیح، فیصل ایوب کھوکھر

میرا شہر
لاہور
29 نومبر ، 2025
لاہور (نیوزرپورٹر) صوبائی وزیر کھیل و انرجی پنجاب ملک فیصل ایوب کھوکھر نے پی پی 168 میں ترقیاتی سفر کا ایک اور اہم قدم اٹھاتے ہوئے گورنمنٹ پرائمری اسکول گوپے رائے میں نئی اضافی کلاس بلاک کا سنگِ بنیاد رکھا۔ اس موقع پر چیف آف ڈویلپمنٹ عمیر سیف کھوکھر بھی ان کے ہمراہ تھے۔تقریب سے خطاب کرتے ہوئے صوبائی وزیر نے چیف آف ڈویلپمنٹ عمیر سیف کھوکھر اور ایجوکیشن کوآرڈینیٹر ثقلین یوسف کی تعلیم کے فروغ کے لیے کی گئی کاوشوں کو بھرپور خراجِ تحسین پیش کیا۔ انہوں نے کہا کہ پی پی 168 میں تعلیمی سہولیات کی بہتری حکومت پنجاب کی بنیادی ترجیحات میں شامل ہے اور علاقے کے بچوں کو بہتر تعلیمی ماحول فراہم کرنا ہماری ذمہ داری ہے۔صوبائی وزیر نے گورنمنٹ پرائمری اسکول گوپے رائے کے لیے متعدد ترقیاتی اعلانات بھی کیے۔
لاہور سے مزید