• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب میں کم لاگت اور کلائمٹ ریزیلینٹ ہاؤسنگ پالیسی پیش

میرا شہر
لاہور
29 نومبر ، 2025
لاہور (نیوزرپورٹر)یونیورسٹی آف مینجمنٹ اینڈ ٹیکنالوجی (یو ایم ٹی) میں دو روزہ گڈ گورننس اینڈ کلین ائیر سمٹ کا انعقاد کیا گیا، جس میں ڈی جی پھاٹا سکندر ذیشان نے بطور مہمانِ خصوصی شرکت کی۔ترجمان کے مطابق سمٹ میں کم لاگت اور کلائمٹ ریزیلینٹ ہاؤسنگ کے موضوع پر ڈی جی پھاٹا نے خصوصی خطاب کیا۔ انہوں نے شہری منصوبہ بندی میں پائیدار حل اختیار کرنے پر زور دیتے ہوئے کہا کہ کم لاگت ہاؤسنگ پالیسی کے فروغ سے کم آمدن افراد کا دیرینہ رہائشی مسئلہ حل ہو سکتا ہے۔ڈی جی پھاٹا کے مطابق حکومت پنجاب کی ہاؤسنگ پالیسی کا محور کم آمدن طبقے کو چھت فراہم کرنا ہے۔ انہوں نے بتایا کہ گزشتہ روز 2000 خاندانوں کو 3 مرلہ کے مفت پلاٹس فراہم کرنے کا عمل مکمل کیا گیا، جبکہ اب تک 1 لاکھ 20 ہزار سے زائد خاندانوں کو گھر کی تعمیر کے لیے قرض فراہم کیا جا چکا ہے۔ بہتر ماحولیاتی اور رہائشی مستقبل کے لیے اکیڈمیا، صنعت اور حکومت کی مشترکہ کاوشیں ناگزیر ہیں۔
لاہور سے مزید