• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گلوبل آئی ٹی سرٹیفکیشنز، PITB کے پورٹل پر 13 ہزار سے زائد درخواستیں موصول

میرا شہر
لاہور
29 نومبر ، 2025
لاہور(خبرنگار)پنجاب انفارمیشن ٹیکنالوجی بورڈ کے گلوبل آئی ٹی سرٹیفکیشنز پروگرام کے تحت بین الاقوامی سرٹیفکیشنز کے حصول کیلئے ستمبر 2024 سے ابتک 13 ہزار سے زائد درخواستیں موصول ہو چکی ہیں۔ یہ بات پی آئی ٹی بی چیئرمین فیصل یوسف کی زیرِ صدارت جائزہ اجلاس میں بتائی گئی۔ اجلاس میں پی آئی ٹی بی ڈائریکٹر جنرل ای گورننس ساجد لطیف، ڈائریکٹر سکلز ڈویلپمنٹ وِنگ چوہدری احمد اسلام اور دیگر سینئر افسران شریک ہوئے۔ اجلاس میں بتایا گیا کہ پی آئی ٹی بی کے وضع کردہ پورٹل کے ذریعے اب تک 7 ہزار سے زائد امیدواروں کی اہلیت کی تصدیق کی جا چکی ہے، تقریباً 4 سو امیدواروں کی پیمنٹ کی تصدیق کی جا چکی ہے جبکہ 278 سرٹیفکیٹس کی تصدیق کرنے کے بعد فیس واپسی کا عمل بھی جاری یے۔ مزید بتایا گیا کہ سرٹیفیکیشنز کامیابی سے مکمل کرنے والے 226 نوجوانوں کو ان کے کورس کی مکمل فیس ان کے اکاؤنٹ میں ٹرانسفر بھی کر دی گئی ہے۔
لاہور سے مزید