• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

الحمراء صوفی فیسٹیول 2025 کا آغاز،عوام کی بھرپور دلچسپی

میرا شہر
لاہور
29 نومبر ، 2025
لاہور(شوبز رپورٹر)الحمراء صوفی فیسٹیول 2025 کا آغاز ہوگیا۔سیکرٹری اطلاعا ت وثقافت پنجاب سید طاہر رضا ہمدانی نے ایگزیکٹوڈائریکٹر الحمراء محمد محبوب عالم چوہدری کے ہمراہ نمائش کا افتتاح کر کے الحمراء صوفی فیسٹیول کا آغاز کیا جس میں عوام کی کثیر تعداد نے بھرپور دلچسپی کا اظہار کیا۔طاہر رضا ہمدانی نے نامور نعت خواں مرغوب ہمدانی کے ہمراہ نمائش میں آویزاں فن پارے دیکھے،انھوں نے اپنے خطا ب میں الحمراء کی اس خوبصورت کوشش کی تعریف کی،نمائش کے آرٹسٹوں کو مبارکباد پیش کی،حکومت پنجاب ادب و ثقافت کو احسن انداز میں فروغ دے رہی ہے،یہ فیسٹیول عوام کو صوفی اقدار سے روشناس کرانے کی بہترین کوشش ہے۔ایگزیکٹوڈائریکٹر الحمراء محمد محبوب عالم چوہدری نے کہا کہ الحمراء صوفی فیسٹیول جیسے پروگرامز کی آج کے دور حاضر میں اشد ضرورت ہے، یہ نمائش صوفی ورثے کو عصری فن میں خراجِ عقیدت پیش کرنے کا بہترین ذریعہ ہے،یہ دیکھنے والوں کے لیے فکر انگیز انگیز ماحول فراہم کرتی ہے۔نمائش میں 65 آرٹسٹوں کے 100 سے زائد فن پارے آویزاں کئے گئے ہیں۔نمائش کے افتتاح کے موقع پر عوام کی بڑی تعداد موجود تھی۔عوام فیسٹیول میں کتب میلہ میں کتابیں دیکھتے رہے۔فیسٹیول کا مقصد پیار و محبت کا فروغ اور برداشت اور رواداری کے جذبات کی تجدید نو ہے۔الحمراء صوفی فیسٹیول تین روز تک جاری رہے گا۔
لاہور سے مزید