• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

منشیات فروشی سمیت دیگر جرائم میں ملوث افراد کے خلاف مقدمات درج

میرا شہر
ملتان
29 نومبر ، 2025
ملتان(سٹاف رپورٹر) پولیس کی جرائم پیشہ عناصر کے خلاف کارروائیاں، منشیات فروشی سمیت دیگر جرائم میں ملوث افراد کے خلاف مقدمات درج، تفصیلات کے مطابق پولیس نے منشیات فروشی کے الزام میں چار افراد کیخلاف مقدمات درج کرلیے، تھانہ گلگشت پولیس نے ملزم عرفان سے 1010گرام چرس، الپہ پولیس نے ملزم فلک شیر سے 10لیٹر شراب، ملزم غلام رسول سے 1200گرام چرس اور راجہ رام پولیس نے ملزم فدا حسین سے منشیات برآمد کرلی، پولیس نے ملزمان کیخلاف مقدمات درج کرکے کارروائی شروع کردی ، پولیس نے شہریوں سے نوسربازی کرکے نقدی و موبائل چھین کر فرار ہونے کے الزام میں نامعلوم ملزمان کیخلاف مقدمات درج کرلیے ۔پولیس نے شہریوں کو بوگس چیک دینے کے الزام میں 7افراد کیخلاف مقدمات درج کرلیے ،پولیس نے پٹرولیم ایکٹ کی خلاف ورزی کرنے کے الزام میں دو افراد کیخلاف مقدمات درج کرلیے ،تھانہ ممتاز آباد پولیس نے فوڈ ایکٹ کی خلاف ورزی کرنے کے الزام میں ایک شخص کیخلاف مقدمہ درج کرلیا ،تھانہ بی زیڈ پولیس نے شہری کو فون پر دھمکیاں دینے کے الزام میں ایک شخص کیخلاف مقدمہ درج کرلیا ،پولیس نے اغوا کے مختلف واقعات کے الزام میں نامعلوم ملزمان کیخلاف مقدمات درج کرلیے ،تھانہ شاہ شمس پولیس نے ٹریفک حادثہ میں نامعلوم شخص کو جاں بحق کرنے کے الزام میں ٹرک ڈرائیور کیخلاف مقدمہ درج کرلیا۔
ملتان سے مزید