• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی محتسب سیکرٹریٹ کے زیر اہتمام شجاع آباد میں کھلی کچہری کا انعقاد

میرا شہر
ملتان
29 نومبر ، 2025
ملتان(سٹاف رپورٹر) وفاقی محتسب سیکرٹریٹ کے زیر اہتمام شجاع آباد میں کھلی کچہری کا انعقاد کیا گیا، جس کی سربراہی وفاقی محتسب ملتان کے کوآرڈینیٹر ڈاکٹر محمد زاہد نے کی۔ اس موقع پر شہریوں نے بجلی، گیس، نادرا، پاسپورٹ، پاکستان بیت المال، بے نظیر انکم سپورٹ پروگرام (بی آئی ایس پی) سمیت دیگر وفاقی اداروں سے متعلق اپنی شکایات پیش کی،وفاقی محتسب نے شہریوں کی شکایات پر فوری نوٹس لیتے ہوئے متعلقہ اداروں کو موقع پر ہی احکامات جاری کئے انہوں نے کہا کہ اگر کسی شہری کو وفاقی اداروں سے خدمات حاصل کرنے میں مشکلات درپیش ہوں یا انہیں غیر ضروری تاخیر کا سامنا ہو، تو وہ فوری طور پر وفاقی محتسب کے دفتر سے رابطہ کریں۔ کھلی کچہری میں شہریوں کی بڑی تعداد نے شرکت کی اور اپنے مسائل پیش کیے، تیس سے زائد نئی درخواستیں موصول ہوئی جن پر فوری عمل درآمد کے احکامات جاری کئے گئے۔
ملتان سے مزید