• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میونسپل کارپوریشن کو تاجروں کو بیروزگار کرنیکی اجازت نہیں دینگے،قومی تاجر اتحاد

میرا شہر
ملتان
29 نومبر ، 2025
ملتان ( سٹاف رپورٹر) میونسپل کارپوریشن کو تاجروں کو بے روزگار کرنے کی اجازت نہیں دیں گے اور نہ ہی ان کی دکانوں کی نیلامی ہونے دیں گے مریم نواز حکومت کے خلاف سازش کے تانے با نے بنے والے متحرک ہو گئے جو وزیر اعلیٰ عوام کے لئے بہتر اقدامات کر رہی ہو وہ کسی تاجر کو بے روز گار کرنے کی اجازت کس طرح دے سکتی ہے ان خیالا ت کا اظہار قومی تاجر اتحاد کے مرکزی صدر سلطان محمود ملک نے حامد کمرشل سنٹر ممتاز آباد کے نومنتخب عہدے داروں کو مبارک باد کی تقریب سے خطاب کرتے ہوئے کیا انہوں نے مزید کہا کرایہ داروں کی اکثریت پچاس سال سے زیادہ عرصہ سے پنجاب بھرمیں میونسپل کارپو ریشن کے کرایہ دار ہیں اور باقائدگی سے کرایہ ادا کر رہے ہیں لیکن افسوس حکومت کے کرپٹ آفیسر تاجر کو بے روز گار کر کے ان کی دکانوں کو دوبارہ نیلامی کرنے پر بضد ہے ۔اس موقع پرحامد کمرشل سنٹر ممتاز آباد کے سرپرست حافظ ساجد محمود چئیرمین شیخ محمد یونس نے اپنے خطاب میں کہا تاجروں کے مسائل کے حل کے لئے تاجروں کا متحد ہونا ضروری ہے ۔ اس موقع پر نومنتخب صدر حافظ عابد محمود،حافظ ساجد، نائب صدر شیخ محمد عمر جنرل سیکٹری فاروق احمد اور ملک شریف نے اپنے خطاب میں کہا قومی تاجر اتحاد تاجروں کی نمائندہ تنظم ہے جو تاجروں کے حقوق کے تحفظ کے لئے سرگرم ہے۔آخر میں قو می تاجر اتحاد کے مرکزی صدر سلطان محمود ملک، ضلعی صدر ملک مقبول کھوکھر، سٹی صدر ملک اقبال جاوید ،سٹی جنرل سیکٹری محمد یعقوب مغل ،بابا طارق بھٹی، شیخ محمد سلیم اور عبدالرحمن نے صدر حافظ عابد محمود ۔چئیرمین شیخ محمد یونس ،جنرل سیکٹری فاروق احمد، چئیر مین مجلس عاملہ ملک محمد شریف ، اسامہ عمر، و دیگر عہدے داران کوپھولوں کے ہار پہنا ئے۔
ملتان سے مزید