• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جماعت اسلامی کی سینئر قیادت کی گورنر خیبرپختونخوا سے ملاقات

میرا شہر
پشاور
29 نومبر ، 2025
پشاور(جنگ نیوز)جماعت اسلامی کی سینئر قیادت، سابق امیر جماعت اسلامی سراج الحق اور صوبائی سینئر رہنما و صوبائی امیر شمالی عنایت اللہ خان جمعہ کے روز گورنر ہاؤس پشاور پہنچے اور گورنر خیبرپختونخوا فیصل کریم کنڈی سے ملاقات کی۔ ملاقات میں صوبہ میں امن و امان اور سیاسی و انتظامی معاملات پر تبادلہ خیال کیا گیا۔ملاقات میں صوبہ میں پائیدار امن کے قیام اور صوبہ کے حقوق کیلئے مشترکہ جدوجہد سمیت صوبہ کی ترقی کیلئے وفاق سے جڑے مسائل کے حل سے متعلق امور بھی زیربحث رہے۔اس موقع پر گورنر فیصل کریم کنڈی نے کہا کہ خیبرپختونخوا پختونخوا کو پرامن اور ترقی یافتہ صوبہ بنانے کیلئے تمام سیاسی قیادت کا اتحاد ضروری ہے، صوبائی وسائل اور حقوق پر تمام سیاسی جماعتوں کو مل کر اپنا کردار کرنا ہوگا اور خیبرپختونخوا کے وسائل کا درست استعمال بھی یقینی بنانا ہوگا۔ انہوں نے کہاکہ صوبہ کو اس وقت بھارتی حمایت یافتہ دہشتگردی کے سنگین چیلنجز کاسامنا ہے، سیکیورٹی فورسز بہادری سے دھشت گردوں کا مقابلہ کر رہی ہے۔بعدازَاں جماعت اسلامی کی سینیئر قیادت نے نماز جمعہ بھی گورنر ہاوس میں ادا کی اور گورنر خیبرپختونخوا کی جانب سے ان کے اعزاز میں ظہرانہ بھی دیا گیا۔
پشاور سے مزید