• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیبر پختونخوا میں اسموگ اور دھند کی شدت میں اضافے کا امکان

میرا شہر
پشاور
29 نومبر ، 2025
پشاور (اے پی پی)پروونشل ڈیزاسٹر مینجمنٹ اتھارٹی (پی ڈی ایم اے) نے خیبر پختونخوا کے میدانی علاقوں میں اسموگ اور دھند کی شدت میں اضافے کے امکان کے پیش نظر شہریوں کو اپنی حفاظت کیلیے احتیاطی تدابیر اختیار کرنے کی ہدایت کی ہے۔ پی ڈی ایم اے خیبر پختونخوا کی جانب سے جاری بیان میں کہا گیا ہے کہ شہری خصوصا صبح اور رات کے وقت غیر ضروری سفر سے گریز کریں، موٹر سائیکل یا کھلی جگہ پر جاتے وقت ماسک کا لازمی استعمال کریں، گاڑی چلاتے ہوئے ہیڈ لائٹس لو بیم پر رکھیں اور فاصلہ برقرار رکھیں، آنکھوں میں جلن یا سانس لینے میں دشواری کی صورت میں فورا قریبی اسپتال سے رجوع کریں، گھروں میں کھڑکیاں بند رکھیں اور زیادہ سے زیادہ پانی پئیں، فصلوں کی باقیات یا کوڑا کرکٹ جلانے سے پرہیز کریں، اس سے اسموگ میں اضافہ ہوتا ہے۔
پشاور سے مزید