• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ضلع خیبر میں جبہ ڈیم کے متاثرین کو فوری معاوضوں کی ادائیگی کا فیصلہ

میرا شہر
پشاور
29 نومبر ، 2025
پشاور (اے پی پی)ضلع خیبر میں تعمیر ہونے والے جبہ ڈیم کے متاثرین کو فوری معاوضوں کی ادائیگی کا فیصلہ کیا گیا ہے۔ ڈیم کی تعمیر میں حائل رکاوٹوں کے خاتمے اور متاثرین کے خدشات دور کرنے کے لیے متاثرین کو اعتماد میں لیا جائے گا۔جبہ ڈیم کی حدود میں آنے والی شاملات کی زمین کے بارے میں بورڈ آف ریونیو سے رجوع کیا جائے گا۔ اس حوالے سے کمشنر پشاور ڈویژن ریاض خان محسود کی زیر صدارت اہم اجلاس میں ڈپٹی کمشنر قبائلی ضلع خیبر، ڈائریکٹر جنرل جبہ ڈیم، ڈائریکٹر جنرل باڑہ ڈیم، ڈائریکٹر جنرل سمال ڈیم، ایکسین ایریگیشن اور علاقہ ممبران قومی و صوبائی اسمبلی کے نمائندوں نے شرکت کی۔ اجلاس سے خطاب کرتے ہوئے کمشنر پشاور ڈویژن ریاض خان محسود نے ڈیم کی بروقت شفافیت سے مکمل کرنے کیلیے تمام وسائل بروئے کار لانے اور متاثرین کی بھرپور داد رسی کے احکامات جاری کیے۔انہوں نے اس عزم کا اظہار کیا کہ ڈیم کی تعمیر کے لیے کسی سے کسی قسم کی کوئی زیادتی نہیں کی جائے گی اور تمام مسائل باہمی گفت و شنید اور تمام فریقین کی مشاورت سے حل کیں جائیں گے۔
پشاور سے مزید