• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشتون قوم پر مسلط غربت قومی محکومی کا نتیجہ ہے، پشتونخوا نیشنل عوامی پارٹی

میرا شہر
کوئٹہ
29 نومبر ، 2025
کوئٹہ (اسٹاف رپورٹر) پشتونخوا نیشنل عوامی پارٹی کےرہنماؤں نے کہا ہے کہ پشتون قوم پر مسلط غربت، بھوک، افلاس، پسماندگی، جہالت اور زندگی کے ہر شعبے میں سہولتوں کی عدم فراہمی کوئی اتفاقی المیہ نہیں بلکہ قومی محکومی کا نتیجہ ہے ان خیالات کا اظہار مرکزی سیکرٹری اطلاعات و نشریات محمد عیسیٰ روشان، صوبائی سیکرٹری اوّل فقیر خوشحال کاسی، صوبائی ڈپٹی سیکرٹریز پروفیسر اسد ترین اور غنی فدائی، ضلعی سینئر ڈپٹی آرگنائزر نصیب اللہ کلیوال اور ضلعی رہنماؤں ڈاکٹر حیات خان، سید فدا آغا، انور وحدت، پیر حمد اللہ اور عصمت خان کونسلر نے سالار خان کی رہائش گاہ پر منعقدہ جرگے سے خطاب کرتے ہوئے کیا انہوں نے کہا کہ خان شہید اور میرا خان مندوخیل کی برسی کے موقع پر ضلعی کانفرنس کا انعقاد نہایت قابلِ تحسین اقدام ہے اس تاریخی کانفرنس میں خان شہید کی قربانیوں کی یاد تازہ کرتے ہوئے اس عزم کی تجدید کی جائے گی کہ پشتون افغان ملت کو درپیش اذیت ناک حالات سے نجات کے لیے جدوجہد کو مزید منظم، مربوط اور تیز کیا جائے گا موجودہ حالات میں پشتون قومی سیاسی تحریک کے تمام دھڑوں کا اتحاد ناگزیر ہے پشتون قیادت پر لازم ہے کہ وہ حالات کی سنگینی کا ادراک کرتے ہوئے اپنی ذمہ داریوں کو بروقت ادا کرے۔
کوئٹہ سے مزید