فرمان الہی
نماز کے اوقات
کراچی (اسٹاف رپورٹر) سلطان احمد چوہدری نے انسپکٹر جنرل (آئی جی) نیشنل ہائی ویز اینڈ موٹروے پولیس کے عہدے کا منصب سنبھال لیا۔ وہ اس سے قبل پنجاب میں ایڈیشنل انسپکٹر جنرل (اے ڈی آئی جی) آف پولیس کی حیثیت سے خدمات انجام دے رہے تھے۔ سینٹرل پولیس آفس موٹروے، اسلام آباد آمد پر انہیں چاق و چوبند دستے نے سلامی پیش کی۔ اس موقع پر افسران سے تعارف کرایا گیا اور ادارے کے مختلف امور پر بریفنگ دی گئی۔آئی جی نے عزم ظاہر کیا کہ وہ ادارے کو مزید مضبوط بنانے، پیشہ ورانہ معیار بلند رکھنے اور عوام کی خدمت یقینی بنانے کے لیے تمام تر وسائل بروئے کار لائیں گے، موٹروے پولیس کی بنیادی اقدار ایمان داری، حسنِ اخلاق اور مدد ہماری اصل طاقت ہیں، جنہیں ہر قیمت پر برقرار رکھا جائے گا۔انہوں نے افسران کو ہدایت کی کہ وہ قومی شاہراہوں پر سفر کرنے والے مسافروں کی بروقت مدد، شہریوں کے جان و مال کے تحفظ اور ٹریفک حادثات کی روک تھام کے لیے اپنی ذمے داریاں بھرپور انداز میں ادا کریں۔ اس موقع پر آئی جی نے شہدا ءکو خراجِ عقیدت پیش کیا، یادگارِ شہداء پر پھول چڑھائے اوران کے بلند درجات کے لیے خصوصی دعا کی۔
