• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جسٹس طارق محمود جہانگیری کا اپنے استعفے پر تبصرہ کرنے سے گریز

آج کا اخبار
اہم خبریں
02 دسمبر ، 2025
اسلام آباد (خبر نگار) اسلام آباد ہائیکورٹ کے جسٹس طارق محمود جہانگیری نے اپنے استعفے کے حوالے سے زیر گردش اطلاعات پر تبصرہ کرنے سے گریز کیا ہے۔ گزشتہ روز ایک مقدمے کی سماعت کے دوران جسٹس طارق محمود جہانگیری کے ممکنہ استعفے سے متعلق زیر گردش اطلاعات پر انہی کی عدالت میں تذکرہ ہوا،جسٹس طارق محمود جہانگیری نے وکیل کی بات سنی لیکن اس پر کوئی کمنٹ نہیں کیا۔ ایڈووکیٹ حافظ عرفات نے جسٹس طارق محمود جہانگیری کی عدالت میں ایسی اطلاعات پر تشویش کا اظہار کر تے ہوئے کہا کہ ہمیں بڑی تشویش ناک خبریں سننے کو مل رہی ہیں، آپ جیسے آزاد منش ججز سے ہی یہ نظام توانا رہے گا، جو سن رہے ہیں وہ بے پناہ افسوس والی بات ہے۔ آپ نے اس عدالت کیلئے بہت کچھ کام کیا ہے، ہمیں ایسی خبریں نہیں سننی، آپ جیسے آزاد منش ججز کا اس نظام میں ہونا ضروری ہے۔
اہم خبریں سے مزید