• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وکلاء نمائندوں کا اجلاس،ملک گیر تحریک کے حوالے سے غور و خوض

میرا شہر
کوئٹہ
02 دسمبر ، 2025
کوئٹہ(اسٹاف رپورٹر)آل بلوچستان وکلاء نمائندوں کا اجلاس معروف قانون دان علی احمد کرد ایڈووکیٹ کی صدارت میں منعقد ہوا اجلاس میں 27 ویں آئینی ترمیم اور ملک گیر وکلاء تحریک پر غور و خوض کیا گیا اجلاس میں بلوچستان میں وکلاء تحریک کو فعال بنانے کیلئے مختلف سیاسی جماعتوں کے قائدین سول سوسائٹی طلباء تنظیموں خواتین تاجر برادری مزدور تنظیموں کے ساتھ رابطے کرنے کے حوالے سے اہم فیصلے کئے گئے اجلاس میں وکلاء ایکشن کمیٹی موجودہ و سابق عہدیداران پر مشتمل ایک کمیٹی تشکیل دی گئی کمیٹی کے چیئرمین علی احمد کرد ممبران میں سپریم کورٹ بار ایسوسی ایشن کے سابق صدور کامران مرتضی، امان اللہ کنرانی کے علاوہ بلوچستان ہائی کورٹ بار ایسوسی ایشن کے سابق صدور ملک ظہور شاہوانی، عبدالغنی خلجی ،سابق صدر نومنتخب ممبران بار کونسل محمدافضل حریفال بلوچستان بار کونسل کے چئیرمین ایگزیکٹیو کمیٹی راحب خان بلیدی نجیب اللہ کاکڑ خالد بلوچ بلوچستان ہائی کورٹ بار ایسوسی ایشن کے جنرل سیکریٹری آغا نجب الدین نصیب اللہ ترین چمن بار ایسوسی ایشن کے صدر سمیع اللہ اچکزئی عبدالحکیم زرین چنگیز حئی بلوچ جمیل بوستان و دیگر سینئر وکلاء کمیٹی میں شامل ہیں جبکہ ایک کوآرڈینیشن کمیٹی بھی تشکیل دے دی گئی ہے جو مختلف مکاتب فکر کے لوگوں سے رابطہ کریں گے اجلاس میں 27 ویں آئینی ترمیم کے خلاف ملک گیر وکلاء تحریک کامیابی سے جاری ہے کراچی لاہور حیدر آباد سکھر کوئٹہ راولپنڈی میں کامیاب احتجاج وکلاء کا شکریہ ادا کیا اجلاس میں آئندہ بلوچستان وکلاء کے جنرل باڈی کے اجلاس میں آئندہ تحریک کے حوالے سے لائحہ عمل طے کیا جائے گا۔
کوئٹہ سے مزید