• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معیاری تعلیم سے ہی ہمارے بچوں اور ملک کی تقدیر بدلے گی‘ جہانگیر خان ترین

میرا شہر
ملتان
09 دسمبر ، 2025
ملتان (سٹاف رپورٹر) جہانگیر خان ترین نے کہا ہے کہ معیاری تعلیم سے ہی ہمارے بچوں اور ملک کی تقدیر بدلے گی۔ پاکستان میں 2 طبقات ہیں ایک وہ جو اپنے بچوں کو بہترین پرائیویٹ اداروں سے تعلیم دلوا سکتے ہیں اور دوسری طرف سرکاری سکول جہاں بنیادی سہولیات بھی میسر نہیں۔ ہمیں یہ فرق ختم کرنا ہوگا جب یہ فرق ختم ہوگا تو پاکستان صحیح معنوں میں ترقی کرسکے گا۔ یہ بات انہوں نے گورنمنٹ بوائز ہائی سکول 27-10 آر خانیوال اور گورنمنٹ ماڈل گرلز ہائر سیکنڈری سکول میاں چنوں میں سائنس و کمپیوٹر لیبز کے افتتاح کے موقع پر منعقدہ تقاریب سے خطاب کرتے ہوئے کہی۔ انہوں نے کہا کہ ہمیں سرکاری سکولوں کا معیار بہتر کرنا ہوگا تاکہ ہمارے بچے موجودہ دنیا کا مقابلہ کر سکیں اور پاکستان کی ترقی میں اپنا کردار ادا کریں۔ علی خان ترین نے کہا کہ مجھے سب سے زیادہ خوشی تعلیم پر خرچ کر کے ہوتی ہے ۔
ملتان سے مزید