• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسنگ مین ہول کورز کا درست ڈیٹا مرتب کیا جائے، کمشنرملتان

میرا شہر
ملتان
09 دسمبر ، 2025
ملتان (سٹاف رپورٹر) کمشنرملتان ڈویژن عامر کریم خاں کی زیر صدارت جائزہ اجلاس منعقد ہوا جس میں اضلاع کی خوبصورتی سے متعلق سکیموں‘ الیکٹرک بسوں اور خصوصاً گٹروں کے غائب یا ٹوٹے ڈھکنوں کی چوری کے مسئلے کا تفصیلی جائزہ لیا گیا۔ اجلاس میں وزیراعلیٰ پنجاب مریم نواز کی زیرو ٹالرنس پالیسی پر عملدرآمد کی ہدایت دیتے ہوئے واضح کیا گیا کہ مین ہول کورز کی چوری یا کتا کاٹنے کے واقعات کے باعث کسی بھی جانی نقصان کو کسی صورت معاف نہیں کیا جائے گا۔کمشنر نے تمام تحصیلوں میں یونین کونسل وار جامع سروے کر کے مسنگ مین ہول کورز کا درست ڈیٹا مرتب کرنے کا حکم دیا، جبکہ سروے رپورٹس کی ویریفکیشن کے لیے علیحدہ ٹیمیں تشکیل دینے کی منظوری دی گئی۔ عوامی شمولیت بڑھانے کے لیے واٹس ایپ ہاٹ لائن اور طلبہ کو رپورٹنگ فورم فراہم کرنے کی تجاویز بھی منظور کی گئیں۔اجلاس میں کباڑیوں اور سکریپ مارکیٹس کی سخت چیکنگ، غیرقانونی خرید و فروخت کی روک تھام اور مجرمان کے خلاف قانونی کارروائی کا فیصلہ کیا گیا۔ کمشنر نے ہدایت کی کہ ری سائیکلڈ پلاسٹک کمپوزٹ مین ہول کورز کا استعمال ملتان میں جلد از جلد شروع کیا جائے۔
ملتان سے مزید