فرمان الہی
نماز کے اوقات
پاکستان نے انڈر 19 ایشیا کپ میں بھارتی کرکٹرز کے نامناسب رویے پر آئی سی سی سے رجوع کرنے کا فیصلہ کر لیا۔
چیئرمین پاکستان کرکٹ بورڈ (پی سی بی) محسن نقوی نے کہا کہ انڈر 19 ایشیا کپ کے فائنل میں بھارتی کھلاڑی پاکستانی پلیئرز کو اشتعال دلاتے رہے، اس سے متعلق آئی سی سی کو آگاہ کر رہے ہیں۔
انہوں نے کہا کہ سیاست اور کھیل کو الگ رکھنا چاہیے۔
دوسری جانب پاکستان ٹیم کے مینٹور سرفراز احمد نے بھارتی کھلاڑیوں کے رویے کو افسوسناک قرار دیتے ہوئے کہا کہ بھارتی کھلاڑیوں کا رویہ بالکل اچھا نہیں تھا اور غیر اخلاقی تھا۔
سرفراز احمد کا کہنا تھا کہ پاکستان ٹیم نے اسپورٹس مین اسپرٹ کے ساتھ جیت کا جشن منایا، بھارتی کھلاڑیوں نے جو کیا وہ ان کا ذاتی فعل ہے۔
