آپ آف لائن ہیں
جمعرات9؍شعبان المعظم1439ھ 26؍اپریل2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
x
بینبری (مریم فیصل) پولیو ڈے سے پہلے اس بیماری کے بارے میں آگاہی پیدا کرنے کے لئے بینبری کی مارکیٹ میں سٹال لگائے جائیں گے ۔ حالانکہ برطانیہ کا شمار ان ممالک میں ہوتا ہے جہاں پولیو وائرس کا خاتمہ ہو چکا ہے لیکن ان ممالک جن میں پاکستان بھی شامل ہے اس کے خاتمے اور آگاہی کے لئے برطانیہ کے کچھ گروپس اس حوالے سے کام کر رہے ہیں ۔ کیونکہ ان کے مطابق برطانیہ میں پاکستا نی کشمیری کمیونٹی خاصی تعداد میں آباد ہے اور وہ ہمارے پروگرامز کے ذریعے پاکستان میں بسنے والے اپنے رشتے داروں کو اس بارے میں معلومات فراہم کر سکتے ہیں ۔ آنے والے ہفتے کو بھی بینبر ی روٹری کلب ایک اسٹال ٹاون مارکیٹ میں لگائے گا جس میںپرپل رنگ کاایک مخصوص پھول لوگوں کو معمولی سے عطیے کے عوض دیا جائے گا اور اس سے جمع ہونے والی امداد سے ایسے پروجیکٹس کا آغاز کیا جائے گا جس سے اس بیماری کی آگاہی اور اس کے وائرس کے خاتمے کے لئے کام کیا جاسکے ۔ اسی سلسلے میں بینبری کے اسکول اور کمیونٹی گروپس کو اسی پرپل پھول کے کارن دئیے جاینگے تاکہ وہ انھیں یادگار کے طور پر زمین میں بوئے ۔ پولیو کی روک تھام کے لئے کام کرنے والے گروپس کا ماننا ہے کہ پولیو وائرس کو برطانیہ کی سر زمین سے ختم کردیا گیاہے ۔ لیکن چونکہ کچھ ممالک میں یہ ابھی بھی موجود ہے جس سے اس کی

x
Advertisement

منتقلی کا خطرہ بدستور موجود ہے اور بہت سا کام ابھی بھی باقی ہے دنیا کو پولیو کے خطرناک وائرس سے بچانے کے لئے۔

​​
Chatاپنی رائے سے آگاہ کریں