اسلام آباد کے سیکٹر جی الیون میں طالبات کو یونیورسٹی لے جانے والی بس حادثے کا شکار ہوگئی، 19 طالبات زخمی جبکہ ایک موٹرسائیکل سوار جاں بحق ہوگیا۔
پولیس ذرائع کے مطابق نجی یونیورسٹی کی بس کو حادثہ بریک فیل ہونے کی وجہ سے پیش آیا۔ جاں بحق شخص کی شناخت علاؤالدین کے نام سے ہوئی ہے ۔وہ زخموں کی تاب نہ لاتے ہوئے دوران علاج دم توڑگیا۔
حادثہ ڈھوک کشمیریاں جی الیون سگنل پر پیش آیا۔ سیف سٹی کیمروں میں حادثے کی فوٹیج دیکھ کر پولیس نے فوری رسپانس دیا اورموقع پر پہنچ کر زخمیوں کو اسپتال منتقل کردیا۔
پولیس کے افسران بھی جائے وقوعہ پر پہنچ گئے۔ حادثے کی مختلف زاویوں سے تحقیقات شروع کردی گئی ہیں۔