بیرونی قرضوں اور دیگر مد میں 22 کروڑ 40 لاکھ ڈالر ادائیگی کے بعد مجموعی زرمبادلہ کے ذخائر گھٹ کے 21 ارب 82 کروڑ ڈالر رہ گئے ۔ساڑے چار ماہ میں ذخائر میں 2 ارب 20 کروڑ ڈالر کمی ریکارڈ کی گئی ۔
اسٹیٹ بینک کے جاری اعدادوشمار کے مطابق گزشتہ ایک ہفتے میں زرمبادلہ کے ذخائر میں بیرونی قرضوں اور دیگر ادائیگیوں کی مد میں 22 کروڑ 40 لاکھ ڈالر ادا ہونے پر مرکزی بینک کے ذخائر گھٹ کر 17 ارب ڈالر سے نیچے آگئے ہیں جبکہ کمرشل بینکوں کے پاس 4 ارب 83 کروڑ ڈالر کے ذخائر موجود ہیں ۔
اعدادوشمار کے مطابق اکتوبر 2016 میں زرمبادلہ کے ذخائر 24 ارب 2 کروڑ ڈالر کی بلند سطح پر تھے، جس میں ساڑے چار ماہ میں 2 ارب 20 کروڑ ڈالر کمی ہوچکی ہے۔