شامی پناہ گزینوں کی محفوظ مقامات پر منتقلی کا عمل دوبارہ شروع

شامی پناہ گزینوں کی محفوظ مقامات پر منتقلی کا عمل دوبارہ شروع ہو گیا ہے۔ یہ عمل چند روز قبل پناہ گزینوں کی بس پر بم حملے کے بعد روک دیا گیا تھا۔

غیر ملکی خبر ایجنسی نے مقامی و غیر ملکی مانیٹرنگ گروپس کے حوالے سے بتایا ہے کہ شامی حکومت کے زیر کنٹرول علاقوں سے 60 اور باغیوں کے زیر کنٹرول علاقوں سے 11 بسوں میں پناہ گزینوں کو منتقل کیا جا رہا ہے۔

یاد رہے کہ چند روز قبل شامی پناہ گزینوں کی بس پر دہشت گردانہ حملے میں 112 افراد جاں بحق ہوئے تھے۔جس کے بعد سے منتقلی کا عمل روک دیا گیا تھا۔