فیصل آباد میں چکن پاکس کا مرض بےقابو ہوگیا ہے، چوبیس گھنٹوں میں مزید 27مریض سرکاری اسپتالوں میں لائے گئے ہیں۔ محکمہ صحت کے مطابق مرض سے بچاؤ کیلئے متاثرہ مریضوں کے اہلخانہ کے 2 ہزار سے زائد افراد کو ویکسین لگائی گئی ہے۔
فیصل آباد کےسرکاری اسپتالوں میں گزشتہ 24گھنٹوں کے دوران چکن پاکس کے مزید 27 مریض لائے گئے ہیں، جس کے بعد رواں سال چکن پاکس سے متاثرہ مریضوں کی تعداد 1074 ہوگئی ہے۔
الائیڈ اسپتال میں پانچ مریض زیر علاج ہیں، دیگر افراد علاج معالجے کے بعد گھروں کو جاچکے ہیں۔ چکن پاکس میں مبتلا 20 مریض جاں بحق ہوئے ہیں، جن میں 12 کا تعلق دیگر اضلاع سے ہے۔
محکمہ صحت کے مطابق مرض سے بچاؤ کیلئے متاثرہ مریضوں کے اہل خانہ کے 2 ہزار سے زائد افراد کو ویکسین لگائی گئی ہے۔
فرمان الہی
نماز کے اوقات
