سعودی عرب نے قطر سے اپنے سفارتی تعلقات ختم کر دیئے ہیں تاہم دارلحکومت ریاض سے جاری ہونے والے سعودی بیان میں کہا گیا ہے کہ قطر سے حج اورعمرے کیلئے آنے والوں کو سعودی حکومت ہر ممکن سہولت فراہم کرے گی۔
سعودی حکومت کے بیان کے مطابق قطر سے سفارتی تعلقات کے خاتمے کے بعد سعودی شہری دوحہ سفر اختیار نہیں کر سکتے اور نہ ہی انہیں وہاں رہائش کی اجازت ہے۔
سعودی حکومت کے بیان میں کہا گیا ہے کہ سعودی شہری کسی دوسری منزل کی جانب سفر کے لیے قطری سرزمین بھی استعمال نہیں کر سکتے۔
سعودی حکومت کے بیان میں یہ بھی کہا گیا ہے کہ سعودی عرب سے قطر کا سفر اختیار کرنے والے اور وہاں مقیم افراد دو ہفتوں کے اندر وطن واپس لوٹ آئیں۔
شاہی اعلان میں اس امر پر افسوس کا اظہار کرتے ہوئے کہا گیا ہے کہ سیکیورٹی خدشات کی بنا پر ہم قطری شہریوں کو سعودی عرب آنے کی اجازت نہیں دے سکتے۔
سعودی حکومت کے بیان کے مطابق ملکت کا سفر اختیار کرنے والے اور وہاں کسی بھی سلسلے میں مقیم قطری شہری دو ہفتوں کے اندر سعودی عرب چھوڑ دیں، تاہم قطر سے عمرہ اور حج کے لیے آنے والےکو تمام سہولت دی جائے گی۔
فرمان الہی
نماز کے اوقات
