رکن بلوچستان اسمبلی عبدالمجید اچکزئی کو گاڑی سے ٹریفک سارجنٹ کی ہلاکت کے کیس میں ریمانڈ مکمل ہونے پر آج مقامی عدالت میں پیش کیا جائے گا۔
ایم پی اے عبدالمجید اچکزئی کو پانچ روزہ ریمانڈ پر پولیس کے حوالے کیا گیا تھا، ان کا ریمانڈ گزشتہ روز مکمل ہوگیا تھا جس کے بعد انہیں آج مقامی عدالت میں پیش کیا جائے گا۔
اس سے قبل گزشتہ روز چیف جسٹس آف پاکستان نے اس معاملے کا ازخود نوٹس لیتے ہوئے کارروائی کا حکم بھی دیا تھا۔
واضح رہے کہ بلوچستان اسمبلی کے ایم پی اے عبدالمجید اچکزئی کی گاڑی کی ٹکر سے ڈیوٹی پر مامور ٹریفک سارجنٹ جاں بحق ہوگیا تھا۔ پولیس نے تفتیش کے بجائے پرچہ نامعلوم افراد کے خلاف کاٹ دیا تھا۔