کراچی کے علاقے گلبرگ میں گھر سے 13 سالہ گھریلو ملازم بچے کی پھندا لگی لاش ملی ہے، پولیس نے لاش کو پوسٹ مارٹم کے لئے اسپتال منتقل کردیا۔
پولیس کے مطابق گلبرگ بلاک 12میں واقع ایک گھر سے ملنے والی لاش کی شناخت فاروق کے نام سے ہوئی ہے، ابتدائی تفتیش کے مطابق فاروق 4 روز قبل اپنی ممانی کے ہمراہ گاؤں سے بزرگ جوڑے کے گھر کام پر آیا تھا۔
ایس پی گلبرگ بشیر بروہی نے میڈیا سے بات کرتے ہوئے بتایاکہ پولیس کو بچے کی خود کشی پر تشویش ہے اس لئے لاش کا پوسٹ مارٹم کرناکے لئے اسے اسپتال منتقل کردیا گیا ہے، جس کے بعد ہی مقدمہ درج کیا جائے گا۔