کے الیکٹرک نے کراچی بھر میں میٹر ریڈنگ کے لئے جدید ٹیکنالوجی سے آراستہ ڈیوائس متعارف کرادی ہے۔
پاور یوٹیلیٹی نے اپنے میٹر ریڈرز کو میٹر ریڈنگ نوٹ کرنے اور متعلقہ اعداد و شمار کوکے الیکٹرک کے سرورز پر اپ لوڈ کرنے کیلئے جدید ٹیکنالوجی سے آراستہ ڈیوائس سے لیس کردیا ہے۔
اس اقدام نے مینوئل میٹر ریڈنگ سے وابستہ انسانی مداخلت ختم کردی ہے۔کے الیکٹرک کے ترجمان کے مطابق یہ اقدام اس بات کا منہ بولتا ثبوت ہے کہ کے الیکٹرک اپنے صارفین کو سہولت فراہم کرنے کیلئے بین الاقوامی تقاضوں پر عمل پیرا ہے۔
کے الیکٹرک پاکستان کے یوٹیلیٹی سیکٹر میں اپنے ڈیجیٹل پلیٹ فارم کو SAP سسٹم سے منسلک کرنے والا صفِ اوّل کا ادارہ بن چکا ہے۔