آپ آف لائن ہیں
ہفتہ7؍ذوالقعدہ 1439ھ 21؍جولائی 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
President Prime Minister Nawaz Sharif Condole Loss Of Lives In Quetta Blast

صدر مملکت ممنون حسین، وزیراعظم شاہد خاقان عباسی،سابق وزیر اعظم میاں محمد نواز شریف،وزیراعلیٰ بلوچستان ثناء اللہ زہری، وزیر مملکت برائے اطلاعات مریم اورنگزیب نے کوئٹہ میں ہونے والے دھماکے کی شدید الفاظ میں مذمت کی ہے۔

وزیراعظم نے متعلقہ حکام کو ہدایت کی ہے کہ کوئٹہ میں دھماکے کے نتیجے میں زخمی ہونے والوں کو اسپتالوں میں بہترین طبی سہولتیں فراہم کی جائیں۔

شاہد خاقان عباسی نے شہداء کے لواحقین سے دلی تعزیت کا اظہار کرتے ہوئے کہا کہ اس واقعے میں بے گناہ معصوم عوام کی جانوں کے نقصان پر دل خون کے آنسو رو رہا ہے۔

وزیر مملکت برائے اطلاعات مریم اورنگزیب کی کوئٹہ میں دہشت گرد حملے کی مذمت کرتے ہوئے کہا ہے کہ ہمارےجوان دہشت گردی کا ڈٹ کرمقابلہ کر رہے ہیں ۔

انہوں نے مزید کہا کہ پوری قوم کواپنی بہادر مسلح افواج پر فخر ہے، شہداءکی قربانیوں کی وجہ سے پاکستان دہشت گردی کے خلاف جنگ جیت رہا ہے۔

مریم اورنگزیب نے یہ بھی کہا کہ دہشت گرد اپنےمذموم مقاصد میں ناکام ہوں گے، پوری قوم دہشت گردی کے خلاف متحد ہے،ایسی بزدلانہ کارروائیاں ہمارےعزم کو کمزور نہیں کر سکتیں۔

Chatاپنی رائے سے آگاہ کریں