آپ آف لائن ہیں
جمعرات 8؍رمضان المبارک 1439ھ24؍مئی 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Karachi Police Arrest Drugsdacoits Including 36 Suspects

کراچی کے مختلف علاقوں میں کاروائیوں کے دوران 2 زخمی ملزمان سمیت 36 ملزمان کو گرفتار کرلیا، ملزمان میں منشیات فروش، ڈکیت، اسٹریٹ کرمنل اور جعل ساز شامل ہیں۔

ایس ایس پی ملیر رائو انوار کے مطابق مبینہ ٹائون میں پولیس نے کاروائیوں کے دوران 5 ملزمان کو گرفتار کرلیا ،ملزمان میں منشیات فروش،جعلی دستاویزات بنانے والے افراد شامل ہیں ۔ ملزمان کے قبضے سے اسلحہ،جعلی دستاویزات چھینے گئے موبائل فون اور نقد رقم ملی ہے۔

x
Advertisement

ایس پی اورنگی عابد علی بلوچ کے مطابق اقبال مارکیٹ کے علاقے میں ایرانی ڈیزل اسمگل کی کوشش ناکام بنا دی گئی،12 ویلر ٹرالر کی تلاشی کے دوران 70 ہزار ایرانی غیر قانونی ڈیزل کو قبضے میں لے لیا گیا،ٹرالر کا ڈرائیور اور کلینر گرفتار جبکہ مالک اسماعیل فرار ہونے میں کامیاب ہوگیا جبکہ اورنگی میں پولیس نے دو منشیات فروش غلام نبی ،فیروز اور اشفاق کو منشیات سمیت گرفتار کرلیا۔

گلشن اقبال بلاک 6 میں 2 ملزمان شہری سے لوٹ مار کررہے تھے کہ پولیس پہنچ گئی، فائرنگ کے تبادلے میں دو ملزمان زخمی ہوگئے جنہیں گرفتار کرکے طبی امداد کے لئے ہسپتال منتقل کردیا گیا۔

نیو کراچی، بلال کالونی میں کارروائی کے دوراب دو اسٹریٹ کرمنلز ارشد اور عامر کو اسلحے،چھینی گئی موٹرسائیکل سمیت گرفتار کرلیا۔

پولیس نے ماڑی پور ٹرک اڈہ، ماڑی پور اور اطراف کے علاقوں میں سرچ آپریشن کیا اور متعدد افراد کو حراست میں لے کر تفتیش کے لئے نامعلوم مقام پہ منتقل کردیا جبکہ صدر میں آپریشن کے دوران 5افراد کو حراست میں لیا گیا ۔

ادھر سپر ہائی وے پہ حساس اداروں نے حاجی ذکریا گوٹھ میں سرچ آپریشن کیا اور 17 مشتبہ افراد کو گرفتار کرکے 2 ریپیٹر گن اور ایک پسٹل بھی برآمد کی ۔

 

​​
Chatاپنی رائے سے آگاہ کریں