کراچی: آئی جی سندھ کی نماز جمعہ کے لئے سیکورٹی انتظامات کی ہدایت

آئی جی سندھ اے ڈی خواجہ نے پولیس فورس کو نماز جمعہ کے اجتماعات کے لئے خصوصی سیکورٹی انتظامات کی ہدایت کی ہے۔

آئی سندھ کا کہنا ہے کہ تمام ایس ایچ اوز سرکاری موبائلوں پر علاقوں میں اپنی موجودگی یقینی بنائیں اورنماز جمعہ کےاختتام تک پولیس امور کو وائرلیس کنٹرول پر نوٹ کرایا جائے۔

اے ڈی خواجہ کا کہنا ہے کہ پٹرولنگ، پکٹنگ اور اسنیپ چیکنگ کے مکمل انتظامات کیےجائیں،سیکورٹی کے مجموعی اقدامات کو منتظمین کےتعاون سےٹھوس بنایا جائے۔