آپ آف لائن ہیں
منگل4؍شوال المکرم 1439ھ 19؍جون 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Todays Print

لاہور(نمائندہ خصوصی) پاک فوج کے شعبہ تعلقات عامہ (آئی ایس پی آر) کے سربراہ میجر جنرل آصف غفور کا کہنا ہے کہ لاہور کے بعد  کراچی سمیت ملک کے دیگر شہروں میں بھی انٹرنیشنل میچ منعقد کرائیں گے، میں نے پی سی بی چیئر مین نجم سیٹھی سے کہا ہے کہ آپ کراچی سمیت کسی بھی شہر میں میچ کرائیں پاک فوج پورے ملک میں اسی قسم کی سیکیورٹی فراہم کریگی، فاٹا میں تعمیر کرائے گئے نئے اسٹیڈیم میں بھی میچ کرائے جائیں۔

x
Advertisement

وہ منگل کو قذافی اسٹیڈیم کے میڈیا سینٹر کے دورے کے موقع پر صحافیوں سے خوشگوار ماحول میں غیر رسمی بات چیت کررہے تھے۔ انہوں نے کہا کہ لاہور میں تینوں میچوں کو کامیاب کرانے میں شائقین سیکیورٹی فورسز کے ساتھ بھرپور تعاون کررہے ہیں۔

کراچی میں انٹر نیشنل میچ نہ کرانے کے بارے میں انہوں نے کہا کہ کراچی میں بھی لاہور کی طرح کی سیکیورٹی فراہم کی جائےگی، اس وقت کراچی میں میچ نہ کرانے کا فیصلہ پاکستان کرکٹ بورڈ کا ہے، ہمیں کوئی مسئلہ نہیں ہے، ملک میں جہاں بورڈ میچ کرائے گا ہم بھرپور تعاون کریں گے۔ انہوں نے کہا کہ غیر ملکی کرکٹرز پاکستان میں آکر ہماری مدد کررہے ہیں ہم ان کے شکر گذار ہیں۔

Chatاپنی رائے سے آگاہ کریں