جاپان میں رائے دہندگان نے 22 اکتوبر کو ہونے والے عام انتخابات کے لئے قبل از وقت رائے دہی کے نظام کے تحت ووٹ ڈالنے کا آغاز کر دیا ہے۔
جاپان میں 18 اور 19 سال کے افراد کو رائے شماری کے لئے اہل قرار دیے جانے کے بعد، ملک بھر میں یہ پہلے عام انتخابات ہوں گے۔ اسی لئے کچھ یونیورسٹیوں اور ہائی اسکولوں کے اندر قبل از وقت ووٹنگ کے لئے پولنگ اسٹیشن قائم کر دیے گئے ہیں۔
دسمبر 2014ءمیں ہونے والے گذشتہ عام انتخابات میں ایک کروڑ 30 لاکھ سے زائد رائے دہندگان، یا کل تعداد کے تقریباً 13 فیصد نے قبل از وقت رائے شماری میں اپنے ووٹ ڈالے تھے۔
ان انتخابات میں بنیادی طور پر تین محاذوں کے درمیان مقابلہ ہو گا جن میں سے ایک محاذ لبرل ڈیموکریٹک پارٹی اور کومے پارٹی کے حکمران اتحاد کا ہے، دوسرے محاذ میں ہوپ پارٹی اور نپون ایشن جاپان اینوویشن پارٹی ہے جبکہ تیسرے محاذ میں جاپانی کیمونسٹ، کانسٹیٹیوشنل ڈیموکریٹک اور سوشل ڈیموکریٹک پارٹیاں شامل ہیں۔