آپ آف لائن ہیں
منگل4؍شوال المکرم 1439ھ 19؍جون 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Did Not Ask For Ishaq Dar Resign Pm Shahid Khaqan

وزیر اعظم شاہد خاقان عباسی کا کہنا ہے کہ اسحاق ڈارسےاستعفیٰ نہیں مانگا،نہ ہی انہیں استعفیٰ دینےکا مشورہ دیا، استعفیٰ مانگنے کی خبریں بے بنیاد ہیں۔

وزیراعظم نے ایک ٹی وی انٹرویو میں مزید کہا کہ آج بھی سمجھتا ہوں کہ اسحاق ڈارصاحب پاکستان کے لیے بہترین وزیر خزانہ ہیں۔

x
Advertisement

شاہد خاقان عباسی مزید کہتے ہیں کہ الزام لگ چکا،اسحاق ڈار صاحب کا کیس چل رہاہے،وہ کام کررہے ہیں ، وہ اگر کام نہ کرتے تو انہیں نکال دیتا،جب تک عدالت فیصلہ نہیں کرتی اسحاق ڈارکوعہدےپررہنےکاحق ہے۔

انہوں نے کہا کہ خواجہ سعد رفیق نے ریلوے کو خسارے سے نکال دیا ہے،حکومت کے پاس کوئی ایسا ادارہ نہیں جہاں پاکستان اسٹیل کے ملازمین کو بھیجا جائے، ہم نے حکومت سندھ سے کہا ہے کہ آپ پاکستان اسٹیل ایک روپے میں لے لیں۔

شاہد خاقان عباسی کا کہنا ہے کہ پی آئی اے کی ناکامی کا اعتراف سب سے پہلے میں کرتا ہوں ، اس کی بہتری کا واحدراستہ اس کی نجکاری ہے ۔

وزیر اعظم نے کہا کہ بحیثیت پارلیمانی لیڈر میرا فرض ہے کہ کیپٹن (ر)صفدر سے بات کروں، حکومتیں تبدیل ہوتی ہیں،معاشی پالیسیاں چلنی چاہئیں۔

ان کا کہنا ہے کہ کوئی ادارہ اکیلے کام نہیں کرسکتا، تمام ادارے مل کر ملک کی بہتری کےلیےکام کریں، جو فیصلہ عدالت کرے گی وہ سر آنکھوں پر ہے۔

انہوں نے مزید کہا کہ حسن نواز اورحسین نوازاپنی مرضی سےواپس آنےکافیصلہ کریں،الزام وہ لگائےجس کےاپنےہاتھ صاف ہوں۔

وزیر اعظم نے مزید کہا کہ ایل این جی حکومت سےحکومت کامعاہدہ ہے،معاہدہ خفیہ رکھناشرط ہے،ایل این جی اوراس کے نفع و نقصان کا ذمےدارہوں۔

شاہد خاقان عباسی کا یہ بھی کہنا ہے کہ شیخ رشیدکونہیں جانتا، یہ ان کی بدقسمتی ہے،میں دعویٰ کرتاہوں کہ سیاست میں آیاتو اثاثے زیادہ تھے، اب کم ہیں۔

 

Chatاپنی رائے سے آگاہ کریں