آپ آف لائن ہیں
منگل4؍شوال المکرم 1439ھ 19؍جون 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Sharif Family Pleads Sc To File One Corruption Reference Instead Of Three

شریف خاندان نے تین نیب ریفرنسز کو ایک بنانے کے لیے سپریم کورٹ میں درخواست دائر کردی۔

سپریم کورٹ نے پاناما کیس کے فیصلے میں شریف خاندان کے خلاف تین ریفرنس دائر کرنے کا حکم دیا تھا جس کے بعد نیب نے شریف خاندان کے خلاف العزیزیہ مل، فلیگ شپ انویسمنٹ اور ایون فیلڈ اپارٹمنٹس کے ریفرنس دائر کیے ہیں جو احتساب عدالت میں زیر سماعت ہیں۔

x
Advertisement

جیونیوز کےمطابق شریف خاندان نے اپنے وکلا کے توسط سے سپریم کورٹ میں ایک درخواست دائر کی ہے جس میں تینوں ریفرنس کو ایک بنانے کی استدعا کی گئی ہے۔

درخواست میں مؤقف اپنایا گیا ہےکہ ایک ہی الزام پر متعدد ٹرائل سے درخواست گزار کے بنیادی حقوق متاثر ہوں گے اور ایک ہی الزام پر متعدد ٹرائلز بنیادی حقوق سے متصادم ہیں۔

درخواست میں استدعا کی گئی ہےکہ تین ریفرنس پر ایک ریفرنس بننے تک زیر سماعت ریفرنسز پر کارروائی روکنے کا حکم دیا جائے، سپریم کورٹ قرار دے کہ نیب سیکشن 9 اے 5 کے تحت صرف ایک ریفرنس داخل ہوسکتا ہے لہٰذا ریفرنس داخل کیے جانے کے 28 جولائی کے فیصلے کو بھی کالعدم قرار دیا جائے۔

واضح رہے کہ شریف خاندان کے خلاف ریفرنس پر فرد جرم کے لیے 19 اکتوبر کی تاریخ مقرر کی گئی ہے۔

Chatاپنی رائے سے آگاہ کریں