ایرانی پارلیمنٹ کے اسپیکر علی لاریجانی نے کہاہے کہ ایرانی جوہری ڈیل سے امریکا کی دستبرداری حقیقت میں بین الاقوامی سمجھوتے کو ختم کر دے گی۔
جرمن خبر رساں ادارے کے مطابق ایرانی پارلیمنٹ کے اسپیکر علی لاریجانی جو روس کے دوسرے بڑے شہر سینٹ پیٹرز برگ میں انٹرنیشنل پارلیمانی فورم کے اجلاس میں شریک ہیں نے میڈیا سے بات چیت میں کہا ہے کہ جوہری ڈیل سے امریکی علیحدگی بین الاقوامی افراتفری کو بھی جنم دے سکتی ہے۔
روسی پارلیمنٹ ڈوما کے اسپیکر سے ملاقات میں علی لاریجانی کا کہنا تھا کہ موجودہ صورت حال میں روس کو اپنا کردار ادا کرنے کی ضرورت ہے۔ تاکہ دنیا کو افراتفری سے بچایا جاسکے۔