کراچی: شوہر کی فائرنگ سے بیوی اور سالی جاں بحق، بیٹا زخمی

کراچی کے علاقے مچھر کالونی میں گھریلو جھگڑے پر شوہر نے فائرنگ کر کے بیوی اور سالی کی جان لے لی جبکہ اس کا بیٹا زخمی ہو گیا۔

جاں بحق خواتین کی شناخت تسلیمہ اورصائمہ کےنام سےہوئی ہے۔ 4ماہ کے بچےصابر کے پیرمیں گولی لگی ہے۔

ادھر سرجانی ٹاؤن میں دو دوستوں نے پیٹرول چھڑک کر اپنے ہی دوست کو آگ لگادی، پولیس نے ملزمان کو گرفتار کرلیا۔

پولیس کے مطابق سرجانی ٹاؤن میں دوستوں کے درمیان رقم کے لین دین کا تنازع تھا ۔ دو دوستوں حماد اور اویس نے عاطف کو سنسان جگہ پر لے جاکر رقم نہ دینے پر پیٹرول چھڑک کر آگ لگادی۔

آگ سے عاطف 25 فیصد جھلس گیا جو سول اسپتال میں زیر علاج ہے۔ پولیس نے دونوں ملزموں کو گرفتار کرلیا۔