شہری پانی سے محروم، سندھ اسمبلی احاطے میں گاڑیوں کی دھلائی

کراچی کے شہریوں کو پینے کا پانی دستیاب نہیں لیکن سندھ اسمبلی کے احاطے میں گاڑیاں دُھلنے لگیں، اسمبلی کو سروس اسٹیشن بنا دیا گیا۔

شہر قائد کے باسیوں کو پینے کا پانی فراہم کرنے میں ناکام سندھ حکومت سرکاری گاڑیوں کے لیے اس نعمت کو ضائع کرنے لگی ہوئی ہے۔

سندھ اسمبلی کو سروس اسٹیشن بنا دیا گیا جہاں مین گیٹ پر گزشتہ روز سرکاری گاڑیوں کی دھلائی کی گئی۔

ذرائع کے مطابق ڈپٹی اسپیکر شہلا رضا کے ڈرائیور کو سندھ اسمبلی کے اندر گاڑی کی دھلائی کرنے کی اجازت دی گئی ہے۔

ذرائع کے مطابق اس کے علاوہ بھی گاڑیوں کی دھلائی کی جاتی ہے۔