آپ آف لائن ہیں
جمعرات9؍شعبان المعظم1439ھ 26؍اپریل2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
x
Dhaka Dynamites And Comilla Victorians Won Matches

بنگلا دیش پریمیئرلیگ میں شاہد آفریدی کی ٹیم ڈھاکا ڈائنا مائٹس نے ایک اور کامیابی حاصل کر لی جبکہ مصباح الحق کی چٹاگانگ وائی کنگز کو ایک اور شکست ہو گئی، ایونٹ کے دلچسپ مقابلے جیوسوپر براہ راست نشر کر رہا ہے۔

ڈھاکا میں چٹاگانگ وائی کنگز نے کومیلا وکٹورینز کے خلاف چار وکٹ پر 139 رنز بنائے ،لیوک رونکی 31 اور سومیا سرکار 30 رنز بنا سکے ،کپتان مصباح الحق نے 16 رنز بنائے۔

x
Advertisement

جواب میں امرالقیس اور جوز بٹلر کی جارحانہ بیٹنگ کی بدولت کومیلا وکٹورئینز نے ہدف چار وکٹ پر پورا کر دیا،دونوں کھلاڑیوں نے بالترتیب 45 اور 44 رنز کی اننگز کھیلی ،مارلن سیموئلز 17 رنز کے ساتھ ناقابل شکست رہے ۔

اس سے پہلے کھیلے گئے میچ میں ڈھاکا ڈائنا مائٹس نے کھلنا ٹائٹینز کو 4 وکٹ سے شکست دی ،کھلنا ٹائٹنز نے پہلے کھیلتے ہوئے پانچ وکٹ پر 156 رنز بنائے۔

کارلوس بریتھ ویٹ نے صرف 29 گیندوں پر 64 رنز جڑ دیئے ،ابو حیدر نے دو جبکہ شاہد آفریدی نے ایک وکٹ حاصل کی۔

جواب میں ڈھاکا کی چار وکٹیں صرف 24 رنز پر گر گئیں ،ایسے میں جوہر الاسلام اور کیرن پولارڈ نے شادنار بیٹنگ کی، پولارڈ 24 گیندوں پر 55 رنز بنا گئے ۔

جوہر الاسلام نے 45 اور مصدق حسین 14 رنز بناکر ڈھاکا کو ایک گیند پہلے چار وکٹ سے فتح دلا دی ۔

​​
Chatاپنی رائے سے آگاہ کریں