منٹ

’’ہمارے دفتر میں ہر ایک گھنٹے میں پچاس منٹ کام ہوتا ہے۔‘‘
ڈوڈو نے انکشاف کیا۔
’’باقی دس منٹ؟‘‘
ٹیپو نے پوچھا۔
’’دس منٹ ریفریش ہونے کے۔‘‘
ڈوڈو نے جواب دیا۔
’’ہمارے دفتر میں بھی ہر ایک گھنٹے میں پچاس منٹ کام ہوتا ہے۔‘‘
ٹیپو نے تسلیم کیا۔
’’باقی دس منٹ؟‘‘
میں نے جاننا چاہا۔
’’باقی دس منٹ ورزش کے۔‘‘
ٹیپو نے مطلع کیا۔
’’ہمارے دفتر میں بھی ہر ایک گھنٹے میں پچاس منٹ کام ہوتا ہے۔‘‘
میں نے اعتراف کیا۔
’’باقی دس منٹ؟‘‘
ڈوڈو نے سوال کیا۔
مجھے بتانا پڑا،
’’باقی دس منٹ سوشل میڈیا کے نوٹیفکیشن دیکھنے کے۔‘‘