بھارت میں 18ماہ کی بچی کیساتھ زیادتی

بھارت میں 18ماہ کی بچی کو اس کے والد کے دوست نے ہی زیادتی کا نشانہ بنا ڈالا۔

واقعہ نئی دہلی کے علاقے شاہپور جٹ میں پیش آنے پر اس کو فوراً اسپتال لے جایا گیا جہاں ڈاکٹرز نے بچی سے زیادتی کے تصدیق کردی۔

واقعہ کی رپورٹ درج کرانے کے بعد پولیس نے کارروائی کرتے ہوئے ملزم کو گرفتار کرکے تفتیش شروع کردی ہے۔

بھارت میں خواتین کے ساتھ زیادتی کے واقعات میں دن بدن اضافہ ہوتا جارہا ہے، دارالحکومت نئی دلی سمیت بیشتر ریاستوں میں خواتین کے لیے اکیلے گھومنا پھرنا انتہائی خطرناک ہوچکا ہے۔

اب صورتحال اس قدر خطرناک ہوچکی ہے کہ ایک سال کی بچیوں کو بھی درندگی کا نشانا بنایا جارہا ہے۔