پیپلزپارٹی نے رکن سندھ اسمبلی سعید غنی کو پی پی کراچی ڈویژن کا صدر اور جاوید ناگوری کو جنرل سیکریٹری نامزد کردیا ہے۔
سعید غنی سے پہلے ڈاکٹر عاصم حسین پی پی کراچی کے صدر تھے ،انہوں نے بیرون ملک علاج کے باعث پارٹی صدارت پر کام کرنے سے معذرت کرلی تھی ۔
پیپلزپارٹی کراچی کے عہدیداروں کا اجلاس بلاول ہاوس میں ہوا،جس میں بلاول بھٹو زرداری، سینئر نائب صدر کراچی راجہ رزاق، سعید غنی، جاوید ناگوری سمیت دیگر عہدیداران شریک ہوئے۔
اجلاس میں پیپلزپارٹی کے یوم تاسیس کی اسلام آباد میں ہونے والی تقریبات کے حوالے سے تیاریوں پر غورکیا گیا۔
بلاول بھٹو زرداری نے سعید غنی کو پیپلزپارٹی کراچی ڈویژن کا صدر اور جاوید ناگوری کو جنرل سیکریٹری بنانے کا اعلان کیا۔
دونوں رہنماوں نے پارٹی قیادت کا شکریہ ادا کیا اور شہر میں پارٹی کی مضبوطی کے لئے کردار ادا کرنے کے عزم کا اظہار کیا۔