چین نے شمالی کوریا کے نئے بیلسٹک میزائل تجربے پر شدید تشویش کا اظہار کرتے ہوئے فریقین سے تحمل کا مظاہرہ کرنے کی اپیل کی ہے۔
ترجمان چینی وزارت خارجہ کا کہنا ہے کہ شمالی کوریا کے بیلسٹک میزائل تجربے پر چین کو بہت تشویش ہے، چین شمالی کوریا کے اس اقدام کی مخالفت کرتا ہے۔
مزید برآن چین نے شمالی کوریا سے مطالبہ کیا ہے کہ وہ سلامتی کونسل کی قراردادوں پرعمل پیرا رہے اور ایسے اقدامات سے باز رہے جو جزیرہ نما کوریا میں مزید کشیدگی کا سبب بنیں۔
چینی ترجمان نے اپیل کی کہ فریقین خطے کے امن و استحکام کیلیے تحمل کا مظاہرہ کریں، شمالی کوریا کا مسئلہ پابندیاں لگا کر نہیں بات چیت سے ہی حل کیا جاسکتا ہے۔