سابق وزیراعظم نوازشریف نےشریف میڈیکل سٹی کے دورے کے موقع پر کہا کہ اسپتال میں سیاست پر بات مناسب نہیں ۔
لاہور میں شریف میڈیکل سٹی کے دورے کے موقع پر صحافی نے ملک کی موجودہ سیاسی صورتحال پر بات کرنا چاہی تو نوازشریف نے انہیں منع کردیا ۔
اس موقع پر سابق وزیراعظم نے کہا کہ بیگم کلثوم نواز کا لندن میں علاج جاری ہے ، ان کی تین بار کیموتھراپی ہوچکی ہے۔
ان کا مزید کہناتھاکہ بیگم کلثوم نواز کی حتمی رپورٹ ابھی آنی ہے ، آپ بھی جلد صحت یابی کے لئے دعا کریں ۔