آپ آف لائن ہیں
بدھ7؍رمضان المبارک 1439ھ 23؍مئی2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Pakistan Is The All Pakistanis The Army Chief

آرمی چیف جنرل قمر جاوید باجوہ نے کہاہے کہ پاکستان رنگ و نسل ، مذہب ،زبان یا فرقے کی تفریق کے بغیر سب پاکستانیوں کا ہے ۔

آئی ایس پی آر کے مطابق پشاور میں فاٹا، خیبرپختونخوا کے علما سے ملاقات کی اور باجوڑ میں پاک افغان سرحد کا دورہ کیا ۔

x
Advertisement

آئی ایس پی آر کے مطابق علما سے ملاقات میں آرمی چیف نے دہشت گردی کے خلاف جنگ میں علما کے مثبت کردار کو سراہا۔

اس موقع پر علماکرام نے دہشت گردی کی متفقہ طور پر مذمت کی اور امن و استحکام کے سیکیورٹی فورسز کی کوششوں کی حمایت کے عزم کا اعادہ کیا۔

آئی ایس پی آر کے مطابق دورہ باجوڑ کے موقع پر آرمی چیف کو پاک افغان سرحد پر سیکیورٹی صورت حال پر تفصیلی بریفنگ دی گئی۔

آئی ایس پی آر کے مطابق اس موقع پر سرحد پار سے دہشت گردوں کی در اندازی روکنے کے لیے پاک فوج کی کوششوں سے بھی آرمی چیف کو تفصیلی آگاہ کیا گیا ۔

سرحد پر باڑ ، نئے قلعوں ، پوسٹوں کی تعمیر سے متعلق بھی جنرل قمر باجوہ کو بریفنگ دی گئی ، آرمی چیف کو مقامی افراد کو سہولیات کی فراہمی کے منصوبوں سے بھی آگاہ کیا گیا ۔

​​
Chatاپنی رائے سے آگاہ کریں