طویل ترین انڈر پاس مکمل، شہباز شریف نے تصاویر جاری کردیں

وزیر اعلیٰ پنجاب میاں شہباز شریف کہتے ہیں کہ کینال روڈ کا بیجنگ انڈر پاس لاہور کا طویل ترین انڈر پاس ہے۔

وزیر اعلیٰ پنجاب میاں شہباز شریف نے اپنے فیس بک اکاؤنٹ پر انڈرپاس کی 6 تصاویر جاری کرتے ہوئے پیغام میں بتایا ہے کہ لاہور میں دھرم پورہ کے قریب کینال روڈ پر بیجنگ انڈر پاس کی تعمیر کا کام مکمل کر لیا گیا ہے۔

شہباز شریف کا اس حوالے سے مزید کہنا ہے کہ بیجنگ انڈرپاس شہر کا سب سے لمبا اور گہرا انڈرپاس ہے،جس کی لمبائی 1اعشاریہ 3کلومیٹر ہے۔

وزیراعلیٰ پنجاب کے مطابق اس انڈرپاس کی تعمیر کے باعث اب متصل علاقے اور سڑکوں سے ٹریفک کا دباؤ کم ہو جائے گا۔