نفاق اور اختلافات سے قومیں آگے نہیں بڑھتیں،شہبازشریف

پنجاب کےوزیراعلیٰ محمد شہبازشریف کاکہناہےکہ نفاق اور اختلافات سے قومیں اور معاشرے آگے نہیں بڑھتے،پاکستان ہماری شناخت ہے اور ہم نے اپنی اس شناخت کو مضبوط سے مضبوط تر بنانا ہے،یہ منزل باہمی اتحاد سے ہی حاصل کی جاسکتی ہے۔

لاہورسےجاری بیان میں شہبازشریف نےکہاکہ محاذ آرائی ملک کیلئے نقصان دہ بھی ہے اور ترقی کی راہ میں رکاوٹ بھی،وقت کا تقاضا ہے کہ پوری قوم اتحاد کی قوت سے آگے بڑھے۔

ان کاکہناتھاکہ مسلم لیگ ن کی حکومت نے ملک کو ترقی کی منزل سے ہمکنار کرنے کے لئے انتھک محنت اور جدوجہد کی ہے،حکومتی کاوشوں کے باعث توانائی بحران کے خاتمے کی گھڑی آن پہنچی ہے۔

شہباز شریف نے مزید کہا کہ پاکستان کو صحیح معنوں میں قائدؒ اور اقبالؒ کا پاکستان بنانے کے لئے مل کر کام کیا جاناچاہئے۔