قومی ٹیم ون ڈے اور ٹی 20 میں اچھا پرفارم کررہی ہے، وسیم اکرم

پاکستان کرکٹ ٹیم کے سابق کپتان وسیم اکرم کا کہنا ہے کہ ون ڈے اور ٹی 20 میں قومی ٹیم اچھا پرفارم کررہی ہے۔

لاہور کے نجی اسکول میں ذیابطیس کےعالمی دن پر ہونے والی تقریب میں وسیم اکرم کا کہنا تھا کہ قومی ٹیم کی ون ڈے اور ٹی 20 میں پرفارمنس اچھی ہے،لیکن ٹیسٹ ٹیم جہدجہد کررہی ہے ۔

وسیم اکرم نے مزید کہا کہ ٹیسٹ کرکٹ ٹیم بہتری کے لیے کوشاں ہے، مصباح الحق اورمحمد یوسف کا خلا پُر کرنے میں وقت لگے گا۔

پاکستان کے عنقریب شروع ہونے والے دورہ نیوزی لینڈ کے حوالے سے وسیم اکرم نے کہا کہ نیوزی لینڈ میں وکٹیں بولرز کے لیے مدد گار ہوتی ہیں۔

ذیا بیطیس کے عالمی دن کے موقع پر ان کا کہنا تھا کہ پاکستان میں ہر چوتھا فرد ذیابیطس کا شکار ہے، ذیابیطس سے آگاہی بہت ضروری ہےاور اس مرض سے بچنے کے لیے لائف اسٹال تبدیل کرنا ہوگا۔

وسیم اکرم نے کہا کہ پی ایس ایل شروع ہوئی تو لوگوں نے پوچھا کھلاڑی کہاں ہیں، انہیں سمجھایا کہ پی ایس ایل کو2 سال چلنے دیںپھر اس کے بعد دیکھئے گا۔