آپ آف لائن ہیں
بدھ 8؍ شعبان المعظم 1439ھ 25؍ اپریل2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
x
Shehzad Roy Calls Kasur Incident Heart Wrenching Demands Justice

معروف گلوکار، سماجی کارکن اوراقوام متحدہ کے پاکستان میں خیر سگالی کے سفیر شہزاد رائے نے کہاہے کہ معصوم زینب کا قتل انسانیت کی تذلیل ہے جس کے سینے میں دل دھڑکتا ہوگا وہ اس سانحے پر ضرور رویا ہوگا۔

ملک میں ہر پانچواں بچہ زیادتی کا شکار ہورہا ہے۔ بچوں کو گھر اور اسکول میں تربیت دے کر ایسے واقعات کی روک تھام کی جاسکتی ہے۔

x
Advertisement

وہ جمعرات کو کراچی پریس کلب میں پریس کانفرنس سے خطاب کر رہے تھے۔ اس موقع پران کے ہمراہ اداکارہ ماہرہ خان، صنم سعید، حنا خواجہ بیات ، پائلر کے کرامت علی، سول سوسائٹی کے رہنما جبران ناصرو دیگربھی موجود تھے۔

ShahzadRoy_L2

شہزاد رائے نے کہا کہ یہ سانحہ انسانیت کی تذلیل ہے زینب تو دنیا سے چلی گئی لیکن ہمیں بچوں کے تحفظ کے لیے سوچنا ہوگا ملک میں ہر پانچواں بچہ زیادتی کا شکا ر ہورہا ہے۔

انہوں نے کہا کہ ہمیں بچوں کو صحیح اور غلط کی پہچان کرانا ہوگی بچوں سے زیادتی مارپیٹ کرنے والے کو سخت سزا دینی چاہئے۔ ایسے واقعات سے بچنے کے لیے اسکولوں میں بچوں کوآگاہی ضروری ہے بچوں سے زیادتی میں90فیصد قریبی لوگ ملوث ہوتے ہیں ۔

انہوں نے کہا کہ والدین اور بچوں کے درمیان اس معاملے پر بات چیت ہونی چاہئے۔گھر اور اسکول میں بچوں کوتربیت دے کرایسے واقعات سے بچایا جاسکتا ہے۔ ایسے اکثرواقعات ہیں جوسامنے نہیں آتے جبکہ اس سلسلے میں قوانین بھی موجود ہیں۔

انہوںنے کہا کہ زینب کے واقعے پر جس کے سینے میں دل دھڑکتا ہوگا وہ ضرور رویا ہوگا۔ مارنے لٹکانے سے مسئلہ حل ہوجاتا تو حل ہو چکا ہوتا آج بہت سے بچے اس ظلم کا شکار ہوتے ہیں۔ دس فیصد باہر کے لوگ زیادتی کرتے ہیں باقی اپنے ہوتے ہیں اور اگر بچہ ماں باپ کو بتائے تو وہ کہتے ہیں کہ ذکر نہ کرو۔

انہوں نے کہا کہ سرکاری اسکولوں میں جب تربیت دینے کی کوشش کی گئی تو اسے روکا گیا۔ ان کا کہنا تھا کہ کہتے ہیں مرد کو رونا نہیں چاہیئے ہم نے تربیت دینی ہے کہ مرد کو رلانا نہیں چاہیے۔انہوں نے مطالبہ کیا کہ مجرموں کو جلد ازجلد گرفتار کر کے پھانسی دی جائے۔

​​
Chatاپنی رائے سے آگاہ کریں