ملتان میں انفلوائنزہ 29 روز میں 21 جانیں لے گیا

ملتان میں سیزنل انفلوائنزہ سے 29 روز میں 21 افراد انتقال ہو گئے ہیں جبکہ اب تک 80 افراد میں سیزنل انفلوئنزہ وائرس کی تصدیق ہو چکی ہے۔

ملتان میں 15 دسمبر سے شروع ہونے والے سیزنل انفلوئنزہ کا وار اب تک جاری ہے ، جس سے 152 افراد متاثر ہو کر نشتر اسپتال میں رپورٹ ہوئے ہیں۔

تصدیق شدہ مریضوں میں 4 نشتر اسپتال کے ڈاکٹرز بھی شامل ہیں ۔ سیزنل انفلوئنزہ سے اب تک 21 افراد انتقال کرچکے ہیں جن میں 14 کا تعلق ملتان سے ، 2 کا خانیوال ، 3 کا مظفر گڑھ ، اور 2 کا تعلق وہاڑی اور راجن پور سے ہے ۔

نشتر اسپتال کے آئسیولیشن وارڈ میں اس وقت 18 مریض زیر علاج ہیں جن میں سے 6 افراد کی رپورٹ کا انتظار ہے ۔